اختلاف الديانات هل هو عئق حقيقي امام الحب

انا حابة اسمع ارائكم بالنسبة لمشكلتي وخاصة ان نحن من نفس العمر وشباب ما حطول القصة عليكم بس هي كتير مهمة بالنسبة الي وخاصة ان انا بشارككن بمحبة الهضبة ........
انا من سوريا وعمري 22 سنة حبيت شاب بيكبرني بسنة ونص تقريبا..... وهو من الطائفة العلوية وانا من الطائفة السنية ........ونحن منحب بعض كتير كتير ....
وانا عم ادرس بالمعهد وهو بيدرس بالجامعة سنة 3
عرفنا الحب مع بعض وثقت فيه وهو كمان وما كذب علي ابدا وحبني متل ما انا ....
وقضينا ايام كتير حلوة سوا كان الصدق بيتوج علاقتنا والحب
بس كان عنا امل ان اهلنا مايعارضوا حبنا ونقدر نتوجه بالزواج...؟؟
بس للاسف اهله واهلي رافضين الفكرة وهو تعرف على امي ونحن ما خفينا علاقتنا عنهم بس طبعا ماتقبلوا الفكرة ابدا ....... على فكرا هو بيحترم معتقداتي وانا كمان ...
دامت علاقتنا لهالوقت سنة ونص تقريبا ....وهو عم يقترح علي ان نتزوج من دون علم اهلي "ونحطهم تحت الامر الواقع"
وانا كتير مترددة وزعلانة معقول الاختلاف ينهي علاقتنا
ونحن كتير متفاهمين وانا بحبه وهو بيحبني كتير ومستعد ينتحر مشاني بس مايخسرني لاه ما بيتحمل يعيش من دوني او اني كون لغيره ابدا.....
وهو حاول اكتر من مرة ان يؤذي حاله بس انا منعته ولحقته باخر لحظة
انا مو مستعدة ان اخسره وبنفس الوقت مابقدر اتخلى عن اهلي ..... وما بعرف شو الحل.....؟؟؟؟؟
ياريت تساعدوني ؟...........
واسفة اذا طولت عليكم
والسلام عليكم ورحمة الله وبركاته